«Ես կարողանում եմ» ուսումնական նախագիծ

Ժամանակահատվածը՝ 02.05.2023-26.05.2023
Անցկացման վայրը՝ Արևմտյան դպրոց, ընտանեկան դպրոցներ
Մասնակիցները՝ Արևմտյան դպրոցի 5-6 տարեկաններ
Պատասխանատուներ՝ Մայրանուշ Համբարձումյան, Սիլվա Խաչատրյան, ծնողական համայնք
Նպատակը՝ Սովորողին տալ ինքնադրսևորվելու, ինքնաարտահայտվելու, կարողություններն և հմտությունները ներկայացնելու հնարավորություն:

Ընթացքը՝
Նշված ուղղությունների մեծ մասն իրականացնելու ենք Արևմտյան դպրոցում՝ առօրյա գործունեության և «Մայիսիկ» ստուգատեսի շրջանակում: Բայց կարևորելու ենք նաև ընտանեկան դպրոցի մասնակցությունը, այդ իսկ պատճառով նախագծի իրականացմանը կմասնակցեն նաև իրենք:
Սովորողները, ընտանիքի անդամների օգնությամբ,  տեսանյութի տեսքով ներկայացնում են իրենց կարողությունները՝ ընտրելով նշված ուղղություններից մեկը: Տեսանյութը նկարելուց և համապատասխան շտկումներն անելուց հետո ընտանիքի անդամներից մեկը տեսանյութն ավելացնում է իր յութուբյան էջում և հղումն ուղարկում դասվարին։

• Ես կարողանում եմ նկարել, մուտքագրել:
• Ես կարողանում եմ օգտվել մեդիագործիքից (Word, Paint ծրագրերից)
• Ես կարողանում եմ կարդալ։
• Ես կարողանում եմ մարզվել (լողալ, հեծանիվ վարել, ցատկել ցատկապարանով, օղակ պտտել և այլ)
• Ես կարողանում եմ երգել, պարել (ազգային երգեր, պարեր)
• Ես կարողանում եմ խնամել իմ ընտանի կենդանուն։
• Ես կարողանում եմ խնամել իմ սենյակային (բակային) բույսերը, ծառերը։
• Ես կարողանում եմ խոհանոցում պատրաստել։
• Ես կարողանում եմ………….(սովորողն ինքն է ընտրում և ներկայացնում իր կարողությունը)